UBUTABERA

Kuri uyu wa Mbere tariki ya 11 Gicurasi 2020, Urukiko Rukuru rwa Gisirikare rwatangiye kuburanisha abasirikare batanu bo mu ngabo z’u Rwanda (RDF) bakekwaho ibyaha byo guhohotera abaturage mu Karere ka Gasabo. Iburanisha ryari ryitezwe kubera mu ruhame nk’uko byatangajwe na Minisiteri y’Ingabo mu Ntangiriro z’ukwezi kwa Mata 2020, ariko kubera ingamba zo kwirinda icyorezo cya COVID-19 bisa n’aho bitakunze. Aba basirikare bagejejwe imbere y’ubutabera nyuma y’iperereza ryakozwe ndetse rigikomeje gukorwa n’Ishami ry’Ubushinjacyaha bwa Gisirikare (Military Prosecution Department/MPD) ku myitwarire mibi no guhohotera abaturage byaranzwe kuri abo basirikare, banyuranyije n’indangagaciro za RDF. Minisiteri y’Ingabo yatangaje ko ubutabera bugiye gukora akazi kabwo, abo basirikare uko

Urukiko rw’Ibanze rwa Nyarugenge ruri i Nyamirambo ku gicamunsi cyo kuri uyu wa 10 Werurwe 2020, rwasomye imyanzuro y’urubanza ruregwamo Dr Francis Habumugisha nyiri Goodrich TV.   Urukiko rwamuhamije ibyaha byose yaregwaga, ari byo gukubita cyangwa gukomeretsa ku bushake, konona ikintu cy’undi no gutukana mu ruhame. Ni ibyaha byakozwe kuwa 15 Nyakanga 2019, mu nama ya Alliance in Motion Global, aho Dr Francis yakubise urushyi Kamali Diane akanamumenera telefone, agatuka Nzaramba Madeleine ngo ni umwanda kandi ngo yamuha nyina. Urukiko rwanzuye ko Dr Habumugisha akatiwe igifungo cy’umwaka umwe gisubitse mu gihe cy’imyaka itatu, rumutegeka no guha indishyi y’akababaro ya miliyoni imwe imwe abakorewe ibyaha. Urukiko rwanzuye kandi ko Dr Habumugisha yishyura igihembo c

Abagabo bagera kuri 89 nibo bamaze gutabwa muri yombi mu Karere ka Gisagara bakurikiranyweho icyaha bakekwaho cyo gusambanya abangavu no kubatera inda mu 2019. Ikibazo cy’abangavu baterwa inda imburagihe kimaze igihe kigaragara hirya no hino mu gihugu ndetse uko umwaka utashye imibare y’abaziterwa igenda yiyongera. Umukozi ushinzwe ubiringanire n’iterambere ry’umuryango mu Karere ka Gisagara, Sewabo Vincent, avuga ko kugeza ubu babaruye abangavu bari munsi y’imyaka 17 y’amavuko bagera 214 batewe inda mu mezi 11 ashize. Yavuze ko mu kwezi kwa mbere k’umwaka wa 2020 hagaragaye abangavu barindwi bari munsi y’imyaka 18 y’amavuko nabo batewe inda. Imibare kandi yerekana ko mu Karere ka Gisagara abangavu bari munsi y’imyaka 20 y’amavuko batewe inda imburagihe mu 2019 barenga 400.