Uyu munsi tariki ya 14 Nzeri 2023, gahunda y’ibiribwa ku isi (WFP) yasinyanye na CNFA amasezerano y’ubwumvikane, mu izina ry’ibikorwa byatewe inkunga na USAID Feed the Future Rwanda Hinga Wunguke (Hinga Wunguke).
Ni mu rwego rwo gutera inkunga abahinzi bagera ku 200.000 mu turere twinshi. Yasinyiwe ku biro bya Hinga Wunguke, n’umuyobozi uhagarariye gahunda y’ibiribwa ku isi (WFP) mu Rwanda, Andrea Bagnoli, hamwe n’umuyobozi mukuru wa Hinga Wunguke, Daniel Gies.
Binyuze mu bufatanye, Hinga Wunguke, gahunda yatewe inkunga na USAID izahuza na gahunda ya “Shora Neza” iterwa inkunga na Mastercard Foundation kandi icungwa na WFP igamije guhanga imirimo y’urubyiruko, cyane cyane abakobwa bakiri bato mu buhinzi.
Mu mushinga wa “Shora Neza” bazafatanya kwongera umubare w’urubyiruko ruri mu buhinzi, mu bijyanye no kubihingwa bitandukanye bazakoraho, uwundi mushinga bazafatanya ni ukugeza umuhinzi ku isoko, kugira ngo uwo musaruro we ubashe kubona isoko.
Aya masezerano y’imyaka itanu ni uko tuzafasha abahinzi nibura 1.000.000 bazagezwe ku isoko babone amafaranga, babashe gukora ubuhinzi buvuguruye cyangwa se ubucuruzi bushingiye ku buhinzi kandi babashe kugira imirire myiza.
Ibi bizorohereza iterambere ry’ibidukikije bikubiyemo isoko rishyigikira abahinzi-borozi bato, harimo n’urubyiruko, kubona amasoko yemewe, yunguka, amasoko arambye kandi akorera mu mucyo. Ubufatanye kandi buzateza imbere kuboneka no gukoresha ibiribwa bifite umutekano, bihendutse, bifite intungamubiri mu Rwanda.
Hamwe na hamwe, gahunda y’ibiribwa ku isi (WFP) na Hinga Wunguke bagamije kongera umusaruro w’ubuhinzi, kunoza uburyo bw’imari n’amasoko yunguka, kuzamura umusaruro w’imirire, no gushyiraho uburyo bunoze bwo kwihaza mu biribwa, mu gihe byongera amahirwe yo kubona akazi ku rubyiruko rusaga 46.000 cyane cyane abakobwa bakiri bato.
Gahunda ihuriweho n’abandi bafatanyabikorwa ba USAID bashyira mu bikorwa kugirango abahinzi benshi bungukirwe n’inkunga yatanzwe. Avuga ku bufatanye, abashyizeho umukono bombi bishimiye imbaraga zihuriweho zo gutera inkunga abahinzi.
Umuyobozi mukuru wa Hinga Wunguke yagize ati: “Ibi bishya bizadufasha kuzamura ubushobozi bw’abahinzi mu gihe bitanga umusaruro mwiza no kugurisha byinshi“.
Uhagarariye gahunda y’ibiribwa ku isi (WFP) mu Rwanda yagize ati: “Twishimiye kwagura ubufatanye bwacu kugira ngo dushyire mu bikorwa ubumenyi duhuriyeho kugira ngo twinjire mu masoko ku bahinzi bari hirya no hino mu gihugu.”
Amasezerano akubiyemo uturere 30 aho gahunda y’ibiribwa ku isi (WFP) ikorera, harimo uturere 13 Hinga Wunguke ikorera.
@Rebero.co.rw