Hari ihangana rikomeye rigaragara hagati y’abayobozi bakuru babiri b’ingabo muri Sudani rishobora kugira uruhare muri gahunda y’ingabo zishyigikiye demokarasi zifuza gusubira mu butegetsi bw’abasivili.
Umuyobozi wungirije w’Inama y’Ubutegetsi bw’Ikirenga, Jenerali Mohamed Hamdan Dagalo uzwi ku izina rya Hemedti bigaragara ko yagize impinduka mu mutima kubera ihirikwa ry’ubutegetsi ryo mu Kwakira 2021, ubu akaba ari ijwi rikomeye mu guhamagarira ko ubutegetsi bw’abasivili bwagaruka.
Ibi ntibyagenze neza hamwe n’umukuru we, Umuyobozi w’inama y’ubutegetsi bw’ikirenga Abdel al-Fattah al-Burhan, utishimiye icyifuzo cye cyo gushyira mu bikorwa ako kanya amasezerano y’ibikorwa bya politiki, bivugwa ko azasubiza igihugu demokarasi, ubutegetsi bugasubizwa abasivile.
Ku ya 7 Werurwe 2023, Gen Dagalo yatunguye Abanyasudani benshi ubwo yahamagariraga ingabo guha abaturage ububasha kandi arahira ko azarwanya abashaka gutsimbarara ku butegetsi.
Mu kigo cya gisirikare kiri i Karari, mu majyaruguru ya Khartoum yagize ati: “Twavuze, tubishaka, ko ubwo bubasha buzashyikirizwa guverinoma y’abasivili yuzuye.“
Mu ntangiriro za Gashyantare, Gen Dagalo, umuyobozi w’ingabo zizwi zita cyane ku Byihutirwa {Rapid Support Force (RSF)} ishami ry’umutwe w’ingabo witwa Janjaweed yahinduye byinshi mu buyobozi bukuru bw’ingabo ubwo yavugaga ko guhirika ubutegetsi mu Kwakira 2021 ari ikosa maze abisaba gisirikare guha ububasha abaturage.
Gen Dagalo yavuze ko RSF ye nta makimbirane afitanye n’ingabo, ahubwo ko ari abashaka gutsimbarara ku butegetsi kandi ubutegetsi bugomba gusubizwa abasivile.
Ubu biragaragara ko hari intambara y’ubutegetsi hagati ya Gen Dagalo na Gen al-Burhan hamwe n’abasesenguzi bamwe bavuga ko ari isano ya hafi ya Gen Dagalo n’Uburusiya irimo kugira uruhare rukomeye muri Sudani.
Muhammed Amin, umunyamakuru ufite icyicaro i Khartoum, avuga ko intambara hagati y’abo bagabo bombi bakomeye ishobora guca intege igisirikare mu maso y’Abanyasudani benshi ku nyungu z’abashaka gusubira mu butegetsi bwa gisivili.
Mu gihe Gen Dagalo aharanira ko ubutegetsi bwa gisivili bwihutirwa, Gen al-Burhan yakomeje kwanga ko abanyapolitiki benshi bagomba kwinjira mu masezerano yo kwemerera abantu benshi kandi ko ivugurura ry’inzego z’umutekano rishobora gukorwa gusa na guverinoma izatorwa.
Ingabo z’ubwisanzure n’impinduka { Forces of Freedom and Change (FFC) } zayoboye imyigaragambyo yirukanye uwahoze ari perezida Omar al-Bashir mu 2019 – byabaye ngombwa ko isohora itangazo kandi isobanura ko idashyigikiye Gen Dagalo na RSF ye.
Khalid Omer, umuvugizi w’ingabo z’abasivili mu nzira ya politiki, yasohoye itangazo ahakana ibivugwa ko hari ubufatanye hagati y’umuyobozi wa RSF n’abayobozi ba FFC kugira ngo basubire mu butegetsi bwihuse kugira ngo buhabwe abaturage.
Yavuze ko ibyo bivugwa ari bimwe mu byahoze ari ubutegetsi bwa al-Bashir bugamije guteza amacakubiri hagati y’ingabo zigenda zitera imbere mu gisirikare ndetse n’abasivili kugira ngo ubutegetsi bwa gisirikare bwongerwe.
Bwana Omer yongeyeho ko FCC irimo kugisha inama RSF gusa kugira ngo ivugurura mu nzego z’umutekano zibashe kubaho ziyoboye igihugu.
Icyakora, Gen Dagalo kuri ubu ari munsi ya radar y’ikigo cy’ubutasi cya Leta zunze ubumwe z’Amerika kubera umubano we wa hafi n’Uburusiya ndetse n’ibikorwa bya RSF muri diyama na zahabu muri Repubulika ya Afurika yo hagati (CAR) ihana imbibi na Sudan.
RSF ifatanya n’ikigo cy’abaparakomando cy’Uburusiya, itsinda rya Wagner kugenzura ibirombe bya diyama ya Vakaga muri CAR, byatumye habaho kugira amakenga kwa Washington.
@Rebero.co.rw