Umuryango wo ku ya 23 Werurwe (M23) watangaje guhagarika intambara mu burasirazuba bwa Repubulika Iharanira Demokarasi ya Kongo nk’uko byari byatangajwe mbere.
Ku wa kabiri, mu itangazo ry’inyeshyamba za M23 zavuze ko icyemezo cyabo kijyanye n’inama bagiranye na perezida wa Angola, João Lourenço, umuhuza mu kibazo cya Kongo mu gihe cy’amahoro ya Luanda.
M23 yongeyeho ko guhagarika imirwano bikurikira inama zitandukanye z’akarere zabereye i Bujumbura, Nairobi na Addis Ababa, zose zigamije gushakira igisubizo cy’amahoro amakimbirane akomeje kubera mu burasirazuba bwa DRC.
Umuvugizi w’umutwe w’inyeshyamba, Laurence Kanyuka, yavuze ko guhagarika imirwano ari inzira yo kugirana ibiganiro bitaziguye na guverinoma i Kinshasa.
Guhagarika imirwano no kuva aho bafashe
Inama zose z’abakuru b’ibihugu by’umuryango w’ibihugu by’Afurika y’iburasirazuba zahoraga zisaba guhagarika imirwano no kuvana inyeshyamba mu turere twigaruriwe. Ariko mu itangazo ryayo ryo ku wa kabiri, M23 ntabwo yavuze ku bijyanye no kuva mu turere bigaruriye.
I Kinshasa, guverinoma ntirabyakira ku itangazo ry’inyeshyamba. Guverinoma ya Kongo yakomeje gusaba ko inyeshyamba ziva mu turere twigaruriwe mbere yuko ibiganiro byose biba.
Inyeshyamba zagaragaje ariko ko zifite uburenganzira busesuye bwo kwirwanaho zimaze kwibasirwa n’ingabo za Kongo-Kinshasa cyangwa indi mitwe yitwaje intwaro muri Kivu y’Amajyaruguru.
Umuvugizi w’Ingabo Major Willy Ngoma akaba yagize ati: “Mu gihe twahagaritse imirano nkuko twabyumvikanye mu mishyikirano ya Angola, bibaye ngombwa ko badushotora tuzirwanaho, niyo mpamvu hari ingabo za EAC ziri hano kugira ngo zikurikirane ubwo bushotoranyi, naho nkuko twasohoye itangazo twahagaritswe intambara ubwo ibisigaye ni ibiganiro“.
Uburyo bwo kugenzura
Nk’uko perezida wa Angola abitangaza ngo hashyizweho uburyo bwihariye bwo kugenzura niba iki cyemezo giheruka kubahirizwa. Perezida wa Angola yamaze guhamagarira inyeshyamba na guverinoma i Kinshasa kubahiriza icyifuzo cyo guhagarika imirwano.
I Kinshasa, Perezida Félix Tshisekedi yari amaze kugaragariza mu mpera z’icyumweru gishize gushidikanya ku mutima w’iki cyemezo cyo guhagarika imirwano ku nshuro ya cumi.
Umukuru w’igihugu cya Kongo-Kinshasa yagize ati: “Dutegereje kureba.Yavuze ko amasezerano menshi yo guhagarika imirwano yatangajwe atubahirijwe“.
@Congo Digital