Kuva kuri uyu wa gatandatu taliki ya 04 Werurwe 2023,Ishyirahamwe ry’umukino wa cricket mu Rwanda,kubufatanye na Dafabet ,
Hatangiwe irushanwa ryiswe Dafabet RCA T10 Women’s Tournament 2023.
Iri rushanwa ryitabiriwe n’amakipe 5 asanzwe akina ikiciro cya mbere ariyo:
1.WHITE Clouds CC
2.SORWATH CC
3.INDATWA HAMPSHIRE
4.CHARITY CC
5.GAHANGA QUEEN’S
Iyi mikino ikaba yatangiye hakinwa imikino itatu,aho White Clouds CC yakinnye n’Indatwa Hampshire CC kuva kwi saa 09:00,
Muri uyu mukino White Clouds cc niyo yatsinze toss,(Guhitamo kubanza gutera udupira Bowling,cyangwa gutangira bakubita udupira Batting,maze bahitamo gutangira ba battinga.
White Clouds ikaba yashyizeho amanota 42,mu dupira 60 tungana na overs 10 bakinnye,Indatwa zikaba zasohoye abakinnyi 4 ba White Clouds (4 wickets).
Indatwa ntizagowe nuyu mukino,kuko muri overs 6 n’agapira 1 bari bamaze gukuraho ikinyuranyo cyari cyashyizweho na White Clouds,
Indatwa zikaba zashyizeho amanota 43,hakaba hasohowe abakinnyi 3 b’Indatwa (3 Wickets), Indatwa zikaba zatsinze kucyinyuranyo cya wickets 7. Muri uyu mukino HENRIETTE Ishimwe akaba ariwe wabaye umukinnyi mwiza w’umukino.
Mu mukino wakurikiyeho watangiye saa 11:30 SORWATH CC yakinnye na GAHANGA QUEEN’S
Sorwathe niyo yatsinze toss,maze bahitamo gutangira batera udupira(Bowling), Gahanga Queen’s yatangiye ikubita udupira ibizwi nka Batting,ikaba yashyizeho amanota 57 mudupira 60(10 Overs),Hakaba hari hasohowe abakinnyi 2 ba Gahanga Queen’s (2Wicket).
Sorwathe yatsinze uyu mukino kucyinyuranyo cya wickets 4,kuko basoje umukino bashyizeho amanota 58,muri overs 9 n’udupira 2,Gahanga ikaba yari yasohoye abakinnyi 6 ba Sorwathe CC. GEOVANIS Uwase wa Gahanga Queen’s niwe wabaye umukinnyi mwiza w’umukino.
Umukino wabaye ku gicamunsi kuva saa 13:45 CHARITY CC yatsinze WHITE Clouds kucyinyuranyo cya wickets 9, muri uyu mukino White Clouds niyo yatangite ikubita udupira (Batting),maze ishyiraho amanota 45 mudupira 60,Charity ikaba yari yasohoye abakinnyi 9 ba White clouds (9Wickets).
Muri overs 7 n’agapira 1,Charity CC yarimaze gukuraho ikinyuranyo cyari cyashyizweho na White Clouds,bakaba bashyizeho amanota 46 hakaba hasohowe umukinnyi 1 gusa wa Charity. Charity ikaba yatsinze kucyinyuranyo cya wickets 9. BIMENYIMANA Marie Diane wa Charity akaba ariwe wabaye umukinnyi mwiza w’umukino.
Iyi mikino yose ikaba yabereye kuri stade mpuzamaha ya cricket ya gahanga.
EMMANUEL Byiringiro ushinzwe ibikorwa mw’ishyirahamwe ry’umukino wa cricket mu Rwanda,avuga ko iki gikorwa aricyo cyigiye gutangiza umwaka w’ibikorwa muri RCA,akemeza ko bizanafasha ikipe y’igihugu y’abari n’abategarugori yitegura kwerekeza mu gihugu cya Nigeria,aho bazitabira irushanwa ryateguwe n’ishyirahamwe rya cricket muri Nigeria.
U Rwanda rukaba arirwo rubitse iki gikombe cy’umwaka ushize.
@Rebero.co.rw