Kuri uyu wa kane, ikipe ya Catalogne yatangaje ko ikipe ya FC Barcelona yasinyishije umuhungu w’uwahoze ari umukinnyi w’icyamamare muri Brazil Ronaldinho mu ikipe yabo y’abatarengeje imyaka 19.
Rutahizamu Joao Mendes, ufite imyaka 18, yinjiye muri gahunda y’urubyiruko muri iyi kipe, nyuma y’imyaka 15 Se avuye i Camp Nou.
Ronaldinho, wamamaye cyane kubera ubuhanga bwo gutera ruhago, yinjiye muri Barcelona avuye i Paris Saint-Germain mu 2003, umwaka umwe nyuma yo gutwara igikombe cy’isi na Brazil.
Uyu mukinnyi watsindiye ibikombe bibiri bya La Liga ndetse na Champions League 2006 yabereye i Barcelona, mbere yo kuva mu ikipe ya AC Milan yo mu Butaliyani mu 2008.
Mendes yatorejwe mu makipe y’urubyiruko ya Cruzeiro yo muri Brazil kugeza umwaka ushize, ubwo yasesaga amasezerano niyo kipe.
Uyu mukinnyi ukina imbere yari amaze gushakishwa na Barcelona mu byumweru bike bishize mbere yo kumvikana n’uruhande rwa Catalogne, uburebure bw’amasezerano butazwi.
Ronaldinho w’imyaka 42, yakinnye mu marushanwa ya “King League” mu mpera z’icyumweru gishize i Barcelona, hamwe na myugariro wa Barca Gerard Pique.
@Rebero.co.rw