Kuri iki cyumweru, guverinoma y’Uburundi yatangaje ko yohereje abapolisi icumi bazobereye mu gucunga ibiza muri Turukiya mu rwego rwo guharanira gutabara ubuzima nyuma y’umutingito ufite ubukana bwa 7.8 wibasiye Turukiya na Siriya.
Urebye ireme ry’umubano w’ubucuti n’ubufatanye na Turukiya, hamwe n’umutingito wahitanye abatari bakeya muri icyo gihugu, u Burundi bwohereje itsinda ry’inzobere mu gutabara ibiza mu bufatanye n’abavandimwe bo muri Turukiya, ”nk’uko byatangajwe na Minisitiri w’ububanyi n’amahanga w’Uburundi, Albert Shingiro kuri Twitter.
Mu ibaruwa y’umunyamabanga mukuru wa guverinoma y’Uburundi Prosper Ntahorwamiye, Gitega yashyizeho itsinda rizafasha mu butumwa bw’ubutabazi muri Turukiya mu gihe nibura cy’icyumweru.
Gutera inkunga ubutumwa bwo gutabara.Iyo baruwa yanditse igira iti: “Gutera inkunga ubutumwa butangwa na Guverinoma y’Uburundi mu kigega cyo gukumira no gucunga ibiza kiri muri Minisiteri y’Ubutegetsi bw’igihugu n’umutekano rusange.”
Ibi bibaye nyuma y’icyumweru kimwe umutingito ukaze wibasiye Turukiya n’umuturanyi wa Siriya, uhitana abantu bagera ku 40.000.
@Rebero.co.rw