Prince Kid yitabye urukiko adafite umwunganizi mu mategeko

Prince Kid uzwi kw’izina rya Ishimwe Dieudonné yagejejwe mu rukiko rw’Ibanze rwa Kicukiro aje kumenyeshwa ibyaha aregwa  ndetse no kuburana ku ifunga n’ifungurwa ry’agateganyo.

Mu rubanza rwe harimo abantu bake ariko abiganjemo ni itangazamakuru, umutekano ukaba wakajijwe kuko uwinjira mu rukiko wese abanza gusakwa.Uburanisha urubanza, umwanditsi w’urukiko n’abashinjacyaha babiri bose ni igitsinagore.

Umunyamategeko wa Prince Kid, Nyembo Emelyne nyuma y’umwanya ategerejwe n’Inteko iburanisha, yavuze ko atamenyeshejwe isaha nyayo yo kuburana nubwo yari azi neza ko ari uyu munsi, asaba ko akeneye umwanya wo gutegura dosiye ngo abone uko aburana.

Prince Kid yasomewe ibyaha bitatu aregwa birimo Gukoresha imibonano mpuzabitsina kugahato,gusaba ishimishamubiri rishingiye ku gitsina no guhoza ku nkeke bifitanye isano n’imibonano mpuzabitsina.

Umucamanza yasabye Ubushinjacyaha gufasha Prince Kid n’Umwunganira kubona dosiye kugira ngo bitegure kwiregura. Yahise abamenyesha ko urubanza ruzasubukura kuwa Gatanu tariki ya 13 Gicurasi 2022, saa tatu za mu gitondo.

@Rebero.co.rw

Leave a Reply

Your email address will not be published. Required fields are marked *