Abantu 20 batangiye amahugurwa y’ibyumweru bibiri muri Rwanda Peace Academy

Abasirikare, abapolisi, abacungagereza n’abasivili 20 baturutse mu bihugu bitandatu bya Afurika, batangiye amahugurwa y’ibyumweru bibiri ku kuzahugura abandi ku ruhare rw’ihame ry’uburinganire n’ubwuzuzanye bw’abagabo n’abagore mu bikorwa by’ubutumwa bw’amahoro hirya no hino ku isi.

Rtd Colonel Jill Rutaremara Umuyobozi w’Ikigo cy’Igihugu cy’Amahoro Rwanda Peace Academy giherereye mu Karere ka Musanze, cyateguye aya mahugurwa ku bufatanye n’Ikigo cy’Abongereza gitera inkunga ibikorwa byo kubungabunga amahoro Ishami rya Afurika, avuga ko aya mahugurwa agamije kwigisha k’uburyo bwimbitse abazigisha abandi ihame ry’uburinganire n’ubwuzuzanye bw’ibitsina byombi mu bikorwa byo kubungabunga amahoro.

Bamwe mu bitabiriye aya mahugurwa, bavuga ko ikibazo cy’uburinganire n’ubwuzuzanye bw’abagabo n’abagore mu bikorwa by’ubutumwa bw’amahoro no mu bundi buzima busanzwe kikiri ingorabahizi ngo ariko basanga ubushake bwiza bwa Leta zabo n’amahugurwa nk’aya ari inzira nziza yo gukemura iki kibazo

Ibihugu byitabiriye aya mahugurwa ni Ghana, Kenya, Namibia, Nigeria, u Rwanda na Zambia.

@REBERO.CO.RW

Leave a Reply

Your email address will not be published. Required fields are marked *