Leta zunze ubume z’Amerika ibinyujije mu Inteko ishingamategeko yafatiye ibihano Ubushinwa

Inteko ishinga amategeko ya Leta zunze ubumwe z’Amerika yemeje itegeko ry’ibihano ku Bushinwa kubera Hong Kong.

Ijwi ry’Amerka ryanditse ko umutwe w’Abadepite waritoye kuwa gatatu. Sena nayo iryemeza kuri uyu wa kane tariki ya 3 Nyakanga 2020. Magingo aya ryoherejwe mu biro bya Perezida Donald Trump kugirango arishyireho umukono ribone gutangira gushyirwa mu bikorwa.

Iri tegeko ryiswe “Hong Kong Autonomy Act.” Riteganya ibihano ku bategetsi bamwe na bamwe b’Ubushinwa na polisi ya Hong Kong, kubera “uruhare bagize mu itegeko ryambura ubwigenge Hong Kong no mu bikorwa byo guhohotera abaturage ba Hong Kong bigaragambyaga mu ituze basaba demokarasi, ubwigenge n’ubwisanzure.”

Rihana kandi banki, izo ari zo zose, zizashyira “amafaranga mu mishinga ibangamiye ubwigenge bwa Hong Kong.” Leta zunze ubumwe z’Amerika ivuga ko zizaba zishyize inyungu zazo hejuru y’uburenganzira bw’ibanze z’abaturage ba Hong Kong.

Itegeko ryambura ubwigenge Hong Kong ryitwa “itegeko ry’umutekano w’imbere mu gihugu cy’Ubushinwa.” Perezida w’Ubushinwa, Xi Jinping, yarishyizeho umukono kuwa kabili w’iki cyumweru. Ibihugu bikomeye byo mu burengerazuba bw’isi byararyamaganye cyane.

@rebero.co.rw

Leave a Reply

Your email address will not be published. Required fields are marked *