Mu mujyi wa Kigali hamwe na hamwe basubijwe muri guma murugo

Minisiteri y’Ubutegetsi bw’Igihugu, Minaloc yatangaje gahunda ya guma mu rugo kuri imwe mu midugudu y’akarere ka Kicukiro na Nyarugenge mu Mujyi wa Kigali hagamijwe kwirinda ikwirakwira ry’icyorezo cya Coronavirus.

Itangazo rya Minisiteri y’Ubutegetsi bw’Igihugu rivuga ko kuva mu ijoro ryo kuri uyu wa Kane tariki 25 Kamena 2020, hari imwe mu midugudu yashyizwe muri gahunda ya guma mu rugo, aho abaturage baho basabwa kuguma mu rugo mu gihe cy’iminsi 15.

Imidugudu yashyizwe muri Guma mu rugo

Kamabuye, Akagari ka Nyarurama, Umurenge wa Kigarama muri Kicukiro

Zuba, Akagari ka Nyarurama, Umurenge wa Kigarama muri Kicukiro

Nyenyeri, Akagari ka Bwerankori, Umurenge wa Kigarama muri Kicukiro

Rugano, Akagari ka Kanunga, Umurenge wa Gikondo muri Kicukiro

Kadobogo, Akagari ka Kigali, Umurenge wa Kigali muri Nyarugenge

Gisenga, Akagari ka Kigali, Umurenge wa Kigali muri Nyarugenge

Minisiteri y’Ubuzima mu Rwanda yatangaje ko kuri uyu wa Kane mu Rwanda hagaragaye abantu bashya 20 banduye Coronavirus bituma umubare w’abamaze kwandura iki cyorezo ugera kuri 463.

Imibare ya Minisiteri y’Ubuzima kuri uyu wa 25 Kamena 2020, igaragaza ko mu bantu 20 basanzwemo Coronavirus harimo ab’ i Rusizi 14, Kirehe 2 na Kigali 4. Ni mu gihe abantu icyenda bashya bakize iki cyorezo.

Muri rusange abamaze kwandura iyi ndwara bose babaye 850, abakize bose baba 385 bivuze ko abakirwaye ari 463. Abamaze gupfa ni 2.

@rebero.co.rw

Leave a Reply

Your email address will not be published. Required fields are marked *