U Rwanda rwabaye urwambere rufite abarwayi benshi mu karere ruherereyemo ba Coronavirus

Icyorezo cya Coronavirus gikomeje kwibasira ibihugu bitandukanye ku cyafashe indi ntera mu Rwanda ariko inzego zirimo Minisiteri y’Ubuzima na Polisi y’igihugu barimo gukaza ingamba zafasha abaturage kwirinda. Kugeza ubu, imibare yemejwe igaragaza ko u Rwanda ari cyo gihugu gifite imibare myinshi y’abanduye Coronavirus mu karere ka Afurika y’Uburasirazuba.

Minisiteri y’Ubuzima yatangaje ko kuwa Mbere tariki 23 Werurwe 2020 mu Rwanda hagaragaye abandi barwayi 17 ba Coronavirus, biyongera kuri 19 batangajwe mbere, bose hamwe bakaba babaye 36.

Muri abo 17 harimo 9 baje baturutse i Dubai, 3 baje baturutse muri Kenya, 2 baje baturutse muri Leta zunze Ubumwe z’Amerika, umwe waje aturutse muri Qatar, umwe waje aturutse mu Buhinde, n’umwe watahuwe ko yahuye n’undi wagaragayeho Coronavirus mu Rwanda.

Imibare yatangajwe kuri uyu wa mbere n’ishami ry’Umuryango w’Abibumbye ryita ku buzima, agashami kawo ko ku mugabane wa Afurika, igaragaza ko iki cyorezo kimaze kugera mu bihugu 43 byo kuri uyu mugabane, abamaze kuyandura bose bakaba barenga gato 1400. Muri aba harimo 122 bamaze gukira bava mu bitaro.

Imibare yatangajwe kuri uyu wa mbere kandi igaragaza ko mu bihugu bituranye n’u Rwanda, igihugu cya Repubulika Iharanira Demokarasi ya Kongo gifite abarwayi ba Coronavirus 30, Kenya ikagira 15, Tanzania ikagira 12, Uganda ikagira umuntu umwe, mu bindi bihugu byo hafi nka Ethiopia ifite abarwayi 11, Angola ifite 3, Congo Brazzaville ifite 6, Djibouti ifite 2, Somalia umwe.

Muri Afurika ibihugu byibasiwe ukurikije urutonde rw’ibyibasiwe cyane, bihera kuri Misiri ifite abantu 294, Afurika y’Epfo ikagira 274, Algeria ifite 201, Maroc ifite 109, Tunisia na Burkina Faso buri kimwe gifite 75, Senegal ifite 56, u Rwanda rufite 36, Congo ifite 30, Cameroon ifite 27, Cote d’Ivoire 25, Ghana 24, Nigeria 22, Togo 16, Kenya 15, Ibirwa bya Maurice bifite 12, Tanzania 12, Ethiopia 11, Seychelles ni 7, Guinea Equatorial ni 6, Gabon ifite 6, Congo Brazzaville 6, Centrafurika ifite 4, Eswatini 4, Cap Vert 4, Liberia 4, Madagascar 3, Namibia 3, Zambia 3, Angola 3, Benin 3, Guinea 2, Mauritania 2, Sudan 2, Zimbabwe 2, Chad 2, Djibouti 2, Eritrea 1, Gambia 1, Mozambique 1, Niger 1, Somalia 1 na Uganda 1.

@rebero.co.rw

Leave a Reply

Your email address will not be published. Required fields are marked *