Umurerwa Salama yasimbuwe na Murangwa Ndangiza Hadidja muri Sena

Kuri uyu wa Kane tariki ya 3 Ukwakira 2019, Ihuriro Nyunguranabitekerezo ry’Imitwe ya Politiki yemewe gukorera mu Rwanda, ryatoye Madamu Murangwa Ndangiza Hadidja gusimbura Uwamurera Salama muri Sena, nyuma y’aho urukiko rw’ikirenga rumwanze.

Tariki ya 01 Ukwakira 2019, nibwo Urukiko rw’ikirenga rwanze Uwamurera Salama wa PDI wari watanzwe n’ihuriro ry’imitwe ya Politike kuba senateri. Byatangajwe ko adafite ubunararibonye.

Murangwa Hadidja umusimbuye ni impuguke mu bwakirizi bw’imisoro, akaba n’umunyamategeko ubimazemo igihe kirekire.

Yari umwe mu bagize ikigo mpuzamahanga nkemurampaka (Kigali International Arbitration Center), akaba anabifitiye seritifika yavanye i London mu Bwongereza.

Yakoze imirimo inyuranye mu bijyanye n’imisoro akaba n’umujyana mu birebana nayo ndetse no mu mategeko haba mu bigo bya Leta n’ibyigenga.

@rebero.co.rw

Leave a Reply

Your email address will not be published. Required fields are marked *